|
1955
փետրվարի 8 – Երևանում վերսկսվում է քրդական «Ռյա թաղա» թերթի հրատարակությունը:
մարտի 3 – ՍՍՀՄ Գերագույն սովետի նախագահության հրամանագրով Հովհաննես Իսակովին շնորհվում է Սովետական Միության նավատորմի ծովակալի կոչում և հանձնվում է «Մարշալական աստղ» տարբերանշան:
մարտի 6– Տեղի են ունենում Հայկական ՍՍՀ չորրորդ գումարման Գերագույն սովետի ընտրությունները:
մարտի 11– ՍՍՀՄ Գերագույն սովետի նախագահության հրամանագրով բանակի գեներալ Հովհաննես Բաղրամյանին շնորհվում է Սովետական Միության մարշալի կոչում:
ապրիլի 19– ՍՍՀՄ Մինիստրների սովետի փոխանցիկ կարմիր դրոշի հանձնումը Հոկտեմբերյանի ՄՏԿ-ին:
հունիս – Վերսկսվում է «Սովետական արվեստ» ամսագրի հրատարակությունը:
հուլիսի 3– Կրասնոդարի երկրամասի Վերխնե-Բականսկ բանավանում տեղի է ունենում սովետական Միության հերոս Հունան Ավետիսյանի և նրա մարտական ընկերների գերեզմանի վրա կանգնեցված հուշարձանի հանդիսավոր բացումը:
1955 թվական – Հիմնադրվում է Բեյրութի Հայկազյան քոլեջի հայագիտական ամբիոնը, ԱՄՆ-ում` Հայագիտական ազգային ընկերություն:
- Հալեպում հիմնադրվում է Մ.Սարյանի անվան գեղարվետական ակադեմիան:
1956
հունվարի 19– Բացվում է ՀԿԿ XVIII համագումարը:
փետրվարի 14– Բացվում է ՍՄԿԿ XX համագումարը:
մայիսի 12– Հրազդանի մեծ կամուրջի հանդիսավոր բացումը (Երևան):
հունիսի 1– Մոսկվայում բացվում է հայկական արվեստի և գրականության տասնօրյակը:
հունիսի 27 – ՍՍՀՄ Գերագույն սովետի նախագահության հրամանագրով Գ.Սունդուկյանի անվան հայկական պետական դրամատիկական թատրոնը պարգևատրվում է Աշխատանքային կարմիր դրոշի շքանշանով:
հուլիսի 22– Շահագործման է հանձնվում Երևանի կայարանի նոր շենքը:
սեպտեմբերի 6– Սկսվում է Երևան և Կիև քաղաքաների սոցիալիստական մրցությունը:
սեպտեմբերի 19– Բյուրականի աստղադիտարանի հանդիսավոր բացումը:
դեկտեմբերի 6– Երևանում մահացավ հայ ականավոր գրող, ակադեմիկոս Դերենիկ Դեմիրճյանը (ծնվ. 1877 թվականին):
1957
ապրիլի 17– Սկսվում է Կիրովական և Բաթումի քաղաքների սոցիալիստական մրցությունը:
հունիսի 6– Ստեղծվում է ՀՍՍՀ Ժողովրդական տնտեսության խորհուրդ` Ժողտնտխորհ:
հուլիսի 3 – ՀՍՍՀ Ժողտնտխորհին առընթեր ստեղծվում է լեռնամետալուրգիական գիտահետազոտական ինստիտուտ:
հուլիսի 10– ՀՍՍՀ Ժողտնտխորհին առընթեր ստեղծվում է քիմիայի գիտահետազոտական ինստիտուտ:
հուլիսի 24– ՀՍՍՀ մինիստրների սովետին առընթեր ստեղծվում է ռադիոհաղորդման և հեռուստատեսության պետական կոմիտե:
հոկտեմբերի 11– Լույս է տեսնում «Երևան» (այժմ «Երեկոյան Երևան») թերթի առաջին համարը:
հոկտեմբերի 17– Երևանում մահացավ մեծանուն գրող Ավետիք Իսահակյանը (ծնվ. 1875 թվականին):
նոյեմբերի 17– Շահագործման է հանձնվում Երևան-Ախտա (այժմ Հրազդան) երկաթուղագիծը:
1957 թվական – Շահագործման են հանձնվում Երևանի սարքաշինական և Լենինականի Էլեկտրատեխնիկական գործարանները:
1958
հունվարի 25– Բացվում է ՀԿԿ XIX համագումարը:
3 մարտի – ՀՍՍՀ մինիստրների սովետի որոշմամաբ Մատենադարանը վերակազմվում է գիտահետազոտական ինստիտուտի:
մարտի 26– Երևանում մահացավ սովետահայ բանաստեղծ Ազատ Վշտունին (ծնվ. 1894 թվականին):
ապրիլի 1– Երևանում կազմակերպվում է գյուղատնտեսության էկոնոմիկայի ու կազմակերպման գիտահետազոտական ինստիտուտ:
ապրիլի 7– Գործարկվում է Կիրովականի «Ավտոմատիկա» գործիքաշինական գործարանի առաջին հերթը:
ապրիլի 18– Կազմակերպվում է ՀՍՍՀ ԳԱ արվեստի ինստիտուտը:
ապրիլի 19– Երևանում մահացավ ՍՍՀՄ ժողովրդական արտիստուհի Հայկանուշ Դանիելյանը (ծնվ. 1893 թվականին):
մայիսի 8 – Բացվում է Հայսատանի արհմիությունների VIII համագումարը:
IX -ը` 1960 թվականին, X -ը` 1962 թվականին, XI -ը` 1964 թվականին, XII -ը` 1965 թվականին, XIII -ը` 1968 թվականին:
սեպտեմբերի 1– ՀՍՍՀ գյուղատնտեսության մինիստրությանն առընթեր կազմակերպվում է հողագործության ու ագրոքիմիայի գիտահետազոտական ինստիտուտ:
սեպտեմբերի 2– Սկսվում են ՍՍՀՄ Լենինի շքանշանակիր պետական ակադեմիական Մեծ թատրոնի հյուրախաղային ներկայացումները Հայաստանում:
սեպտեմբերի 14– Շահագործման է հանձնվում Կոտայքի ջրանցքը:
հոկտեմբերի 3– Բրյուսելի համաշխարհային ցուցահանդեսի սովետական տաղավարում կազմակերպվում է Հայկական ՍՍՀ օր:
նոյեմբերի 2– Արզնի-Շամիրամ ջրանցքի առաջին հերթի հանդիսավոր բացումը:
դեկտոմբերի 2– Երևանում հիմնվում է սովետա-բուլղարական բարեկամության ընկերության հայկական բաժանմունքը:
դեկտեմբերի 9 – Լենինգրադում մահացավ ականավոր ֆիզիոլոգ, ակադեմիկոս Լևոն Օրբելին (ծնվ. 1882 թվականին):
դեկտեմբերի 29– ՍՍՀՄ Գերագույն սովետի նախագահության հրամանագիրը հայկական ՍՍՀ-ն Լենինի շքանշանով պարգևատրելու մասին:
դեկտեմբեր – Երևանում լույս է տեսնում «Լիտերատուրնայա Արմենիա» ամսագրի առաջին համարը:
1958 թվական – Շահագործման են հանձնվում Երևանի մետաղահատ հաստոցների, Չարենցավանի (Լուսավանի) ներտաշ հաստոցների, երկաթբետոնե կոնստրուկցիաների, Կիրովականի ճշգրիտ հաստոցների, Լենինականի հղկող հաստոցների գործարանները:
1959
հունվարի 5– Մոսկվայում մահացավ սովետական ճարտարապետության խոշորագույն գործիչ, ակադեմիկոս Կարո Հալաբյանը (ծնվ. 1897 թվականին):
հունվարի 10– բացվում է ՀԿԿ XX արտահերթ համագումարը:
հունվարի 27– Բացվում է ՍՄԿԿ XXI արտահերթ համագումարը, որը հաստատում է ՍՍՀՄ ժողովրդական տնտեսության զարգացման 1959-1965 թվականների կոնտրոլ թվերը:
փետրվարի 23– Երևանում հիմնադրվում է Արաբական Արևելքի երկրների հետ բարեկամության և մշակութային կապի սովետական ընկերության հայկական բաժանմունք:
մարտի 15 – Տեղի են ունենում Հայկական ՍՍՀ հինգերորդ գումարման Գերագույն սովետի ընտրությունները:
ապրիլի 16– ՀՍՍՀ Գերագույն սովետի սեսիան հաստատում է օրենք «Կյանքի հետ դպրոցի կապի ամրապնդման և ՀՍՍՀ-ում ժողովրդական սիստեմի հետագա զարգացման մասին»:
ապրիլի 23 – Լենինյան մրցանակ է շնորհվում կոմպոզիտոր Արամ Խաչատրյանին` «Սպարտակ» բալետի համար:
մայիսի 6– Մոսկվայում մահացավ ՍՍՀՄ ժողովրդական արտիստ Վաղարշ Վաղարշյանը (ծնվ. 1894 թվականին):
հուլիսի 1– Երևանում կազմակերպվում է դոկումենտալ և խրոնիկալ կինոնկարների հայկական ստուդիա:
հուլիսի 17– ՍՍՀՄ Գերագույն սովետի նախագահության նախագահ Կ.Ե.Որոշիլովը Հայկական ՍՍՀ-ին հանձնեց Լենինի շքանշան:
նոյեմբերի 5 – Գործարկվում է Աթարբեկյանի հիդրոէլեկտրակայանը:
դեկտեմբերի 3– Երևանի կայարանամերձ հրապարակում տեղի է ունենում Սասունցի Դավթի արձանի հանդիսավոր բացումը:
1960
փետրվարի 10– Բացվում է ՀԿԿ XXI համագումարը:
փետրվարի 10– Ավարտվեց Ղարադաղ-Ղազախ-Երևան գազամուղի շինարարությունը: Երևանի Լենինի հրապարակում վառվեց գազի ջահը:
մարտի 1– ՍՍՀՄ Գերագույն սովետի նախագահության հրամանագիրը Մարտիրոս Սարյանին ՍՍՀՄ ժողովրդական նկարչի կոչում շնորհելու մասին:
հունիսի 15– Երևանում բացվում է կոմունիստական աշխատանքի բրիգադների և հարվածայինների հանրապետական հավաքը:
սեպտեմբերի 26– Երևանում բացվում է Հայաստանի ուսուցիչների համագումարը:
սեպտեմբերի 27 – Շահագործման է հանձնվում Աթարբեկյանի հիդրոէլեկտրակայան-Աղստաֆա 108 կիլոմետրանոց էլեկտրահաղորդման բարձրավոլտ գիծը: Դրանով ավարտվում է Անդրկովկասի եղբայրական երեք հանրապետությունների էներգասիստեմի միավորումը, որը նախատեսված էր 7-ամյա պլանով:
նոյեմբերի 29– Երևանի Շահումյանի անվան պուրակում բացվում է Հայաստանում Սովետական կարգերի համար զոհվածների հուշարձանը, ուր սկսվում է վառվել «Հավերժական կրակը»:
նոյեմբերի 30– Երևանում բացվում է ՀՍՍՀ Հեղափոխության պետական թանգարանը:
1961
փետրվարի 2– Լենինգրադում մահացավ ականավոր հայագետ, ակադեմիկոս Հովսեփ Օրբելին (ծնվ. 1887 թվականին):
փետրվարի 6– Թբիլիսիում բացվում է Անդրկովկասի հանրապետությունների գյուղատնտեսության առաջավորների խորհրդակցությունը:
ապրիլի 22 – Մարտիրոս Սարյանին շնորհվում է Լենինյան մրցանակ:
ապրիլի 29– Բացվում է ՀՍՍՀ ժողովրդական տնտեսության նվաճումների ցուցահանդեսը Երևանում:
մայիսի 6 – Տոնվում է Հայստանում Սովետական իշխանության հաստատման և Հայաստանի կոմունիստական կուսակցության կազմավորման 40 ամյակը:
օգոստոսի 12– ՍՍՀՄ մինիստրների սովետի որոշումը «Սևանա լճի մակարդակը բնական պայմաններին մոտ բարձրության վրա պահպանելու նպատակով Արփա գետի ջրի մի մասը Սևանա լիճ շուռ տալու միջոցառումների մասին»:
սեպտեմբերի 6 – Երևանում բացվում է Կոմունիստական աշխատանքի մրցության առաջավորների հանրապետական Երկրորդ հավաքը:
սեպտեբերի 21– Բացվում է ՀԿԿ XXII համագումարը:
հոկտեմբերի 12– ՀՍՍՀ Գերագույն սովետի նախագահության հրամանագիրը ՀՍՍՀ Կոտայքի շրջանը Աբովյանի շրջան և Աղինի շրջանը` Անիի շրջան վերանվանելու մասին:
հոկտեմբերի 17– Բացվում է ՍՄԿԿ XXII համագումարը:
նոյեմբերի 6– Երևանում մահացավ ՍՍՀՄ ժողովրդական արտիստ Հրաչյա Ներսիսյանը (ծնվ. 1895 թվականին):
նոյեմբերի 12– ՀՍՍՀ Գերագույն սովետի նախագահության հրամանագրով Երևան քաղաքի Ստալինյան շրջանը վերանվանվում է Լենինյան շրջան, իսկ Լենինյանը` Օրջոնիկիձեի շրջան:
|
